દુકાનમાં કામ કરી રહેલા કારીગરને ચપ્પલ તોડવા માટે કહ્યું, તેને પૂછ્યું તમે જાણી જોઈને કેમ ચપ્પલ તોડાવો છો? ત્યારે તેના શેઠે એવો જવાબ આપ્યો કે તેના આંખમાંથી...

ગિરધરભાઈ ની કરિયાણા ની દુકાન હતી બહુ જૂની દુકાન હતી અને ગ્રાહકો ને સારી ગુણવતા વાળો માલ આપતા હોવાથી દુકાન ખુબ સારી ચાલતી હતી ગિરધરભાઈ ને જયારે પણ સમય મળે ત્યારે તેની દુકાન ની સામે ચપ્પલ રિપેર કરતા વૃદ્ધ ચનાભાઈ ની સામે નજર કરે. આ સ્ટોરી તમે justgujjuthings.com પર વાંચી રહ્યા છો.

પણ આખા દિવસ માં એક બે વ્યક્તિ તેની પાસે આવે અને ચપ્પલ રિપેર કરાવે અથવા તો બુટ પાલીસ કરાવે. ગિરધરભાઈ પણ વિચારતા હતા કે ચનાભાઈ નો ખર્ચ કેમ કરી ને ચાલતો હશે સાંજ પડ્યે માંડ માંડ પચાસેક રૂપિયા મળતા હશે. આ સ્ટોરી તમે justgujjuthings.com પર વાંચી રહ્યા છો.

ગિરધરભાઈ એ એક બે વખત ચનાભાઈ ની મદદ માટે રૂપિયા આપવાની કોશિશ કરી પણ સ્વાભિમાની ચનાભાઈ ને દાન કે ધર્માદા ના રૂપિયા લેવાના બદલે પોતે જાત મહેનત કરી ને જે મળે તેમાં રાજી રહેવા માં આનંદ હતો. ગિરધરભાઈ પોતાના ચપ્પલ દર બે ત્રણ દિવસે રિપેર કરાવતા.

અને ચનાભાઈ ને બમણા રૂપિયા આપતા આવું એકાદ મહિના થી ચાલતું હતું. એક દિવસ ચનાભાઈ ગિરધરભાઈ પાસે આવી ને કહે છે કે શેઠ આ તમારા ચપ્પલ હવે બે ત્રણ મહિના સુધી વાંધો નહિ આવે એવા મજબૂત કરી દીધા છે.

ગિરધરભાઈ એ તો બીજા દિવસે જ દુકાન ના કારીગર ચંદુ ને કામે લગાવી દીધો કે તું જયારે નવરો થઇ જ એટલે તારે આ ચપ્પલ તોડવા માટે બેસી જવાનું ચંદુ ને તો નવાઈ લાગી કે ચપ્પલ તૂટી જાય, ત્યારે હું રિપેર માં તો દેવા માટે જતો. પણ હવે તો ચપ્પલ મારે તોડવાના અને પછી ચનાભાઈ ને રિપેર માં પણ મારે જ દેવા જવાનું ચંદુ કઈ સમજી શક્યો નહિ.

ચંદુ એ બીજા દિવસે શેઠ ને પૂછી જ લીધું કે તમે ચપ્પલ તોડાવી અને રિપેર કરાવો છો અને ચનાભાઈ ને બમણા રૂપિયા આપો છો તમારી આ વાત મને સમજાતી નથી ત્યારે ગિરધરભાઈ એ ચંદુ ને કહ્યું કે ચનાભાઈ ના ઘર માં બીજું કોઈ કમાવવા વાળું નથી.

અને આટલી મોટી ઉંમરે પણ તેને કમાવવું પડે છે વૃદ્ધ હોવાના લીધે તેનાથી કામ પણ ઓછું થાય અને તેની પાસે વધુ ગ્રાહકો પણ આવતા નથી અને સૌથી વધુ અગત્ય ની વાત તો એ છે કે તેને મહેનત કર્યા વિના મળતા રૂપિયા કે મદદ જોઈતા નથી.

એટલે હું મારા ચપ્પલ બે ત્રણ દિવસે તોડાવી અને રિપેર કરાવું છું અને બમણા રૂપિયા આપું છું. જેથી કરીને તેનું સ્વાભિમાન જળવાઈ રહે અને મારી મદદ તેની પાસે કામ કરાવી ને બમણા રૂપિયા આપવાથી મને આનંદ થાય છે. અને તેને સંકોચ પણ ના રહે શેઠ ની વાત સાંભળી ને ચંદુ એ આકાશ સામે જોયું.

આકાશ તો એકદમ સાફ હતું પણ ચંદુ ની આંખો વરસી રહી હતી.

જો તમને આ સ્ટોરી પસંદ પડી હોય તો દરેક લોકો જોડે શેર કરજો તેમજ કમેન્ટમાં 1 થી 10 ની વચ્ચે રેટિંગ પણ આપજો. આ સ્ટોરી તમે justgujjuthings.com પર વાંચી રહ્યા છો.