દિવાળી ઉપર કામવાળીએ બોનસ માંગ્યું, દિવાળી પછી તેને પૂછ્યું કે આ રુપિયાનું શું કર્યું તો એવો જવાબ આપ્યો કે શેઠાણી અને શેઠ પણ...
સવારમાં લગભગ ઘડિયાળમાં નવ વાગ્યાનો સમય હતો. પત્ની પતિ પાસે આવી, આવીને કહ્યું આજે કપડાં ધોવા વાળા રમાબેન નથી આવવાના તો વધારે કપડાં ધોવા માટે ન કાઢશો.
પતિ એ કહ્યું કે હા તમારા કામવાળા ના લાડ તો તમારા થી પણ વધારે છે, અત્યારે દિવાળી ટાઇમે રાજા રાખવાની શું જરૂર છે? તમે લોકો એ ખોટે ખોટા ચડાવ્યા છે, પગાર પૂરો જોઈ છે, અને કામ કરવામાં આનાકાની કરવી છે.
હું જોવું છું દરેક મહિના માં પાંચ છ દિવસ તો ગમે તે બહાના કાઢી ને રજા પડી જ હોય છે, તેની પત્ની એ કહ્યું કે બે દિવસ ની રજા પડશે. તેની દીકરી ને ત્યાં જવાના છે. અને તેને પાંચસો રૂપિયા ઉપાડ ના માગ્યા છે, જે બોનસ માં ગણાઈ જશે, તો તેને આપી દઉં ને?
પતિ એ કહ્યું કે બાર મહિના માં જેટલી રજા રાખે છે. તેમાં એક મહીના નો પગાર એમ ને એમ ચાલ્યો જાય છે, હવે બોનસ શેનું આપવાનું? પત્ની એ કહ્યું બિચારી ગરીબ છે અને તેની દીકરી ના ઘરે જાય છે તો થોડા રૂપિયા ની જરૂર હોય તો આપણી પાસે માંગે અને આપણે નહિ આપીયે તો બીજું કોણ આપશે?
તેને દીકરી ના ઘર માં દિવાળી માટે કંઈક વસ્તુ ખરીદી ને લઇ જવી હશે, અને તમે ના કહેતા હોય તો આપણે આજે પીઝા નો પ્રોગ્રામ બંધ રાખીને હું ઘરે જ રસોઈ બનાવી નાખીશ. અને એ પાંચસો રૂપિયા તેને આપી દઉં?
આમેય મેંદાના લોંદા જેવા આઠ ટુકડા ના પાંચસો રૂપિયા દઈ દેવા એના કરતા આપણે ઘરે કંઈક બનાવી નાખીશું. રમાબેન ને આપો તેને બહુ કામ લાગશે, ત્યારે પતિ એ કહ્યું કે વાહ તારા કામવાળા!!!
અમારા મોઢા માંથી પીઝા છીનવીને તારે કામવાળા ને દેવા છે? પત્ની એ મોઢું હલાવી ને હા પડી કે હા મારે દેવા છે, પછી પતિ કશું બોલ્યો નહિ અને ચૂપ થઇ ગયો. આ સ્ટોરી તમે justgujjuthings.com પર વાંચી રહ્યા છો.
બે દિવસ ની રજા પછી રમાબેન પાછા કામ પર આવે છે, તેના પતિ એ રમાબેન ને પૂછ્યું શું કરે છે, તમારી દીકરી? બે દિવસ રોકાઈ ને આવ્યા તો મજા આવી હશે ને? ત્યારે રમાબેને કહ્યું કે હા હો સાહેબ, મારી દીકરી ના ઘરે જઈ આવી. અને બે દિવસ રોકાઈ આવી. આ સ્ટોરી તમે justgujjuthings.com પર વાંચી રહ્યા છો.
મને અને મારા દીકરી જમાઈ અને ભાણીયા ને બધા ને ખુબજ મજા આવી, હવે વચ્ચે ટાઈમ મળે તો ઠીક છે. નહીંતર આવતી દિવાળી એ બીજી વખત જઈશ, ત્યારે પતિ એ કહ્યું કે તમે પાંચસો રૂપિયા નો ઉપાડ કરી ગયા હતા. તેનું શું કર્યું?
તેનો જવાબ રમાબેને એવો આપ્યો કે સાંભળી ને પતિ સજ્જડ થઇ ગયો, રમાબેને પાંચસો રૂપિયા નો હિસાબ મોઢા પર જ ગણાવી દીધો. અને કહ્યું કે ભાણીયા માટે એકસો પચાસ રૂપિયા ની કપડાની જોડ લીધી. ચાલીસ રૂપિયા નું ઢીંગલી નું રમકડું.
દીકરી-જમાઈ માટે પચાસ રૂપિયા ના પેંડા, સાઈઠ રૂપિયા આવવા જવાનું ભાડું, પચીસ રૂપિયા ની બંગડી, અને પચાસ રૂપિયા નો પટ્ટો જમાઈ માટે. અને પચાસ રૂપિયા મંદિર માં ભાણીયા ની માનતા ના ચડાવ્યા. અને બચેલા પંચોતેર રૂપિયા દીકરી ને હાથ માં આપ્યા. તેને જે જરૂર હોય જે લેવું હોય તે લઇ લેશે.
પતિ તો અવાચક થઇ ગયો, કે પાંચસો રૂપિયા માં કેટલું બધું આયોજન! અને મન માં અને મન માં વિચારવા લાગ્યો, આપણે પાંચસો માં એક પીઝો ખાઈ નાખીયે એટલે પાંચસો નું પૂરું…
જયારે રમાબેન પાંચસો રૂપિયા માં કેટલો બધો વહેવાર સાચવી ને આવ્યા! દીકરી જમાઈ અને ભાણીયા બધા પાંચસો માં ખુશ. જીવન જીવવા માટે કરવો પડતો ખર્ચ અને ખર્ચ કરવા માટે જીવતું જીવન આ બંને વચ્ચે નો ફરક આજે તેને સમજાઈ ગયો.
અત્યારે દિવાળી ના ત્યોહાર માં આપણા ઉપર નિર્ભર હોય તેવા, તથા તેની પાસે થી કંઈક વસ્તુ ની ખરીદી કરવાથી તેને થોડો પણ આર્થિક ટેકો મળે તેવા નાના લોકો નું ખાસ ધ્યાન રાખો. તે લોકો આપણી પાસે થી મહેનત કરી ને પૈસા માંગે છે. આ સ્ટોરી તમે justgujjuthings.com પર વાંચી રહ્યા છો.
આપણી પાસે ભીખ નથી માંગતા, કદાચ તેવા લોકો પાસે થી વસ્તુ ખરીદ કરવાથી આપણને થોડી મોંઘી પણ પડતી હોય, આપણને પોષાતી હોઈ તો જરૂર થી સહકાર આપશો. કારણ કે તેને પૈસા કમાઈ ને બીજું કોઈ આયોજન કરવાનું નથી. તેને તો તેના રોટલા માટે કમાવવું પડે છે.
તેની જિંદગી માં આપણા જેવા જલસા ને કોઈ સ્થાન નથી ભગવાને આપણને આપ્યું હોઈ તો કોઈ નાના માણસ ને કામ આવે એવો વિચાર રાખશોજી.
જો આ સ્ટોરી તમને પસંદ પડી હોય તો દરેક લોકો જોડે શેર કરજો, તેમજ આ સ્ટોરીને કમેન્ટમાં 1 થી 10 ની વચ્ચે રેટિંગ પણ આપજો.