અડધી રાત્રે બેચેની થવા લાગી એટલે ચાલવા નીકળ્યા તો આગળ એક સ્ત્રીનો રડવાનો અવાજ સંભળાયો, અંદર જઈને જોયું તો...

એક શહેર માં એક શેઠ રહેતા હતા ખુબ જ ધનવાન, આબરૂદાર, ખુબ મોટો વેપાર હતો. તેનો વેપાર દેશ-વિદેશમાં ફેલાયેલો હતો.

શેઠની માલિકીના પેટ્રોલ પંપ હતા ઘણી જગ્યાએ ફેક્ટરી પણ હતી તેમજ ઘણા ધંધાઓમાં તેને રોકાણ કર્યું હતું જેમાંથી પણ તેને આવક થયા રાખતી.

એક દિવસ સાંજે શેઠ ઘરે આવ્યા ત્યારે એકદમ બેચેની જેવું લાગવા માંડ્યું શહેર ના નામાંકિત ડૉક્ટર ને બોલાવવા માં આવ્યા બધી તપાસ કરી અને ડોકટરે કહ્યું કે શેઠ તમને કોઈ તકલીફ નથી, શરીર માં કઈ વાંધો નથી.

ડોક્ટરે કહ્યું હોવા છતાં શેઠ ને હજુ પણ બેચેની થતી રહેતી હતી અને બેચેની ઓછી જ નહોતી થતી. ડોક્ટરે આવું થયું એટલે શેઠને ઊંઘની ગોળી પણ આપી તેને ઊંઘ આવી ગઈ પરંતુ હજુ એક દોઢ કલાક માંડ થયું હશે ત્યાં જ તેની ઊંઘ ઉડી ગઈ તેઓ જાગી ગયા.

અને ફરી પાછી તેઓને બેચેની થવા લાગે એટલે પોતાના બંગલાની બહાર નીકળીને બગીચામાં ધીરે ધીરે લટાર મારવા લાગ્યા. તબિયત માં થોડી રાહત લગતા શેઠ ને એમ થયું કે બહાર પણ થોડું ચક્કર લગાવી જ દઉં.

શેઠ બંગલાની બહાર નીકળી ને ચાલવા લાગ્યા થોડું ચાલી ને થાક લગતા શેઠ એક ઓટલા ઉપર થાક ખાવા બેઠા… થોડીવાર માં એક કૂતરું આવી ને શેઠ નું ચપ્પલ મોં માં પકડી ને દોડવા લાગ્યું. શેઠ તેની પાછળ થોડા ઉતાવળે ચાલવા લાગ્યા. કુતરુ દોડતું દોડતું ધીમું પડે એટલે શેઠ ને એમ થાય કે હવે ચપ્પલ મૂકી દેશે પરંતુ શેઠ નજીક આવે એટલે કૂતરું પાછું ચાલવા માંડે.

આમ ને આમ કૂતરું શેઠ ને એક ઝૂંપડી સુધી લઇ ગયું અને ત્યાં ચપ્પલ મૂકી ને ભાગી ગયું શેઠે ચપ્પલ તો લઇ લીધું પરંતુ ઝૂંપડીમાંથી કોઈ સ્ત્રી નો રડવા નો આવાજ આવવા મંડ્યો એક વાર તો શેઠ ને એમ થયું કે અંદર જઈને પૂછી જુએ કે બહેન તમે શું કામ કરો છો? પરંતુ ફરી પાછો બીજો વિચાર એવો પણ આવ્યો કે આ ઝૂંપડીમાંથી બહાર આવશે અને કોઈ તેને જોઈ જશે તો વિચારવા લાગશે કે શેઠ અહીંયા અડધી રાત્રે શું કામ આવ્યા હશે?

આટલું વિચારીને તેઓ ચાલવા લાગ્યા પરંતુ થોડે દૂર ચાલીને ગયા કે તરત જ વિચાર આવ્યો કે એ ઝૂંપડીમાં નક્કી કોઈ ગરીબ રહેતું હશે. ગરીબ સ્ત્રી રડી રહી હતી તો તેઓ જઈને તપાસ તો કરે કે શું કામ રડી રહી છે એટલે શેઠ પાછું વળીને ફરી પાછા તેજ ઝૂંપડી પાસે આવી ગયા અને ઝૂંપડી ની અંદર ડોકિયું કરી ને જોયું તો સ્ત્રી તેના બાળકને ખોળામાં રાખી ને ભગવાનના ફોટા સામે બેસીને રડી રહી હતી.

તેના બાળક બાજુ ધ્યાન ગયું તો તેની ઉંમરનો અંદાજ લગાવ્યો કે તેની ઉંમર લગભગ એક દોઢ વર્ષ માંડ હશે. તે સ્ત્રી તેના બાળકને સારું થઈ જાય એ માટે ભગવાન સામે પ્રાર્થના કરી રહી હતી. પ્રાર્થના કરતા કરતા તે રડી રહી હતી.

શેઠ ઝૂંપડીમાં અંદર ગયા અને પૂછ્યું તમે આમ ભગવાન ના ફોટા સામે બેસી ને કેમ રડો છો? અને પ્રાર્થના કરો છો કે મારા પુત્ર ને સારું થઇ જાય?

ત્યારે એ સ્ત્રી એ જવાબ આપતા કહ્યું કે ગઈ કાલે સાંજે એક સાધુ મહાત્મા આવ્યા હતા. મારા પુત્ર ની તબિયત ખરાબ હોવાથી ઓપરેશન કરાવવું પડે તેમ હતું અને મેં તેને આખી વાત કરતા તેઓએ મને એમ કહ્યું હતું કે અડઘી રાત્રે આમ કરજે તારા પુત્ર ના ઓપરેશન ની જવાબદારી લેવા વાળી વ્યક્તિ તને શોધતા શોધતા અહીંયા આવી જશે. આ સ્ટોરી તમે justgujjuthings.com પર વાંચી રહ્યા છો.

શેઠ ને ભગવાન માં બહુ શ્રદ્ધા નહોતી એટલે તેઓ વિચારમાં પડી ગયા કે ગઈકાલે સાંજે જયારે આ સ્ત્રી ને સાધુ મહાત્મા એ કહ્યું ત્યાર થી મારી તબિયત ખરાબ છે. અને ત્યાર થી લઇ ને અત્યાર સુધી મને પણ થોડો વખત જ નીંદર આવી છે. અને બહાર ચક્કર લગાવવાનું મન થયું એટલે આ કામ માં મને નિમિત્ત બનાવામાં આવ્યો છે.

શેઠે તે સ્ત્રી ને કહ્યું કે તારા પુત્ર નો બધો ખર્ચો હું આપી દઈશ. અને તારે મારા ઘરે જ કામ કરવાનું અને ઘર ની બાજુ માં એક રૂમ માં રહેવાની સગવડતા કરી આપી શેઠ હવે બધું સમજી ચુક્યા હતા.

તેઓની તબિયત બગાડી ને ભગવાને જે કાર્ય તેના હાથે કરવાનું હતું ત્યાં સુધી પહોંચાડવા માટે કેવું ચક્કર ચલાવ્યું. કર્મ ની સાથે સેવા કરવી પણ કેટલી જરૂરી છે. જીવ માત્ર ની સેવા કેટલી જરૂરી છે તે શેઠ ને હવે સમજાયું.

શેઠ પણ ભગવાન પાર વિશ્વાસ કરવા મંડ્યા અને સમયે સમયે આવી રીતે હેરાન થતા માણસો ને મદદ કરવા લાગ્યા. આ સ્ટોરી તમે justgujjuthings.com પર વાંચી રહ્યા છો.

જો આ સ્ટોરી તમને પસંદ પડી હોય તો દરેક લોકો સાથે શેર કરજો અને કમેન્ટમાં 1 થી 10 ની વચ્ચે રેટિંગ પણ આપજો. આ સ્ટોરી તમે justgujjuthings.com પર વાંચી રહ્યા છો.